Колку пријатели всушност имаме?
Кога ни цветаат рози во животот, околу себе имаме мноштво пријатели, но само во кризни ситуации навистина се гледа кој ни е пријател. Новото истражување покажало дека повеќето од нас можат да се потпрат само на три вистински пријатели.
- Британското истражување покажало дека во просек имаме три пријатели, а дека во текот на животот губиме контакт со 36 луѓе.
- Испитаниците признале дека просечно имаат 16 пријатели, но 48% признале дека повеќето од нив им се пријатели од навика и дека воопшто и не се блиски со нив.
- Повеќе од половината признале дека причина за прекинувањето на контактот со некои од пријателите е забрзаното темпо на живот.
- СМС пораките, мејловите и социјалните мрежи, како што е Фејсбук, денес се најпопуларните начини за комуникација на дневна база, признале испитаниците.
- Интересен е податокот и дека дури 43% од испитаниците признале дека се скарале со пријатели со кои повеќе не разговараат, а 28% рекле дека ако со пријателот не се гледаат редовно, губат волја за понатамошен контакт.
- Едно од шест лица признало дека нема намера да контактира повеќе со пријател со кој се нема слушнато една година.
- 68% рекле дека посакуваат да останале во контакт со старите пријатели од училиштето, - 18% признале дека се зближиле со соработниците на работното место бидејќи немаат други пријатели.
Pašlaik nav neviena komentāra
Atstāj komentāru, un uzsāc diskusiju!