Əgər sağ qalsaq…
20 il sonra rastlaşsaq…
Sənin üzündə illərin lal xatirəsi,
Mənim üzümdə buna bənzər bir şey olacaq.
İki beli bükük qoca
Söykənib ağaca
illərin uzaqlığındakı
gəncliyinə boylanacaq.
Damarları çıxmış əllərimiz
İki hörümçək kimi qovuşacaq
Çırpınacağıq qocalığın torunda,
Əllərimiz ayrılacaq
iki yorğun hörümçək kimi
Yanımızdan çiçək kimi qızlar
Çinar boylu cavanlar keçəcək…
Sən məni axtarcaqsan,
Mən səni onların arasından.
İşığa tutmaq istəyəcəyik
bu vədəli qaranlığımızı.
Sən mənim üzümdə
Mən sənin gözündə görəcəyəm
Qat kəsmiş cavanlığımızı…
Vaxt keçsin deyə
Calayacayıq sözü sözə.
İçin -için ağlayacağıq
bu dişsiz gülüşümüzə…
Əgər sağ qalsaq…
20 il sonra rastlaşsaq…
Ya küçədə, ya bulvarda
Bizi görənlər güləcəklər acı -acı
Bir ayaq özümüzünkü,
Bir ayaq əl ağacı,
Bir ayağımız gorda…
Zamanı aldadıb kinoya gedəciyik
Filmi deyil
arxa sırada oturub öpüşən
cavanları seyr edəciyik
Hərdən ekranda öpüşəcək baxışlarımız
Gözlərimizdə göllənəcək
xatirə yağışlarımız
Heç bilməyəcəyik yuxu
nə vaxt bizi aparıb,
Xidmətçinin səsinə oyanaçağıq:
-Durun, kino çoxdan qurtarıb...
esas odu qocalaq .dunya yuvarlaqdi dag daga rast gelmesede elcin rainfala rast geler.INSALLAH
Amin eziz dostum
iller kecir bir an kimi,
20 il sonra rastlaşsaq…
zaman kecmir olan kimi,
o vaxt gren ne olacaq?
romantik poeziyani Nustersiz tesevvur etmek mumkun deyil....
tewekkurler
deymez *HI*